Mu birori biryoheye ijisho, Ambassaderi Prof Shyaka Nastase na madam ndetse na bamwe mubanyarwanda batuye muri Polonye bitabiriye umuhango ngarukamwaka utegurwa na SHOM International Charity Bazaar, ni igikorwa gikomeye kigamije gukusanya inkuga yo gufasha ibikorwa by’ubugiraneza muri Poland.
SHOM (Spouse of Heads Of Missions) Warsaw ni ishyirahamwe ryatangiye ibikorwa byaryo muburyo bwemewe n’amategeko mu mwaka wa 2008, rikaba rigizwe n’abafasha b’abahagarariye ibihugu byabo muri Poland ndetse banatuye muri iki gihugu. Zimwe mu ntego z’iri shyirahamwe harimo gufasha abanyamuryango baryo bashyashya kwisanga ndetse no kubamenyereza ubuzima bwo mu gihugu, bakaba na none bakora ibikorwa ngarukamwaka byo gukusanya inkunga yo gushyira mu bikorwa by’ubugiraneza mu gihugu cya Poland. Kimwe muri ibi bikorwa akaba ari SHOM Charity International Baazar.
U Rwanda muri polonye rwanabonyeho umwanya wo kugaragaza bimwe mubikorerwa mu Rwanda ndetse nyakubahwa Ambasaderi w’u Rwanda muri polonye Prof Shyaka Anastase na madamu baageneye impano y’agaseke kuri nyakubahwa madamu wa perezida wa polonye Agata Kornhauser Duda
Intego nyamukuru y’igikorwa SHOM International Charity Bazaar ni ukurushaho kumenyana binyuze mu mubudasa bw’imico itandukanye ndetse niy’igihugu icyo gikorwa kiberamo, aricyo Poland. Inkunga yose ikusanyirizwa muri iki gikorwa ishyikirizwa imiryango itandukanye ikora ibikorwa by’ubugiraneza (charity) ariko nanone ibikorwa byayo bikaba byibanda ku gihugu cya Poland.
Inkuru yanditswe na S Sunday Séverin
Chief Editor: Rebe Birere Immmaculee
Comments 1