Mu gihe u Rwanda muri uyu mwaka rwibuka ku nshuro ya 30 Jenoside yakorewe Abatutsi muri Mata 1994, Ambasade y’u Rwanda muri Polonye, ifatanyije n’umuryango w’Abanyrwanda bahatuye (RCA-Poland), iri gutegura umuhango wo Kwibuka30.
Ni igikorwa giteganijwe kuri uyu wa gatanu, tariki ya 26 Mata, kikazabera mu mujyi mukuru wa Polonye, Warsaw.
Biteganyijwe kandi ko iki gikorwa kizitabirwa n’abanyacyubahiro batandukanye, harimo abahagarariye guverinoma ya Polonye, abahagarariye ibihugu byabo muri Polonye, abayobozi b’amadini, abikorera,umuryango wa RCA-Poland muri rusange ndetse n’inshuti z’u Rwanda.
Ambasade y’u Rwanda muri Polonye iboneyeho gusaba umuryango mugari w’abanyarwanda batuye muri iki gihugu kuzitabira uyu muhango wo Kwibuka30.
