Sweden: Bahawe Impamyabumenyi!Nuko mugende muhindure abantu bo mu mahanga yose abigishwa.

 Mu rugendo arimo mu bihugu by’uburayi bya sikandinaviya (Scandinavia), Apostle Josua Masasu Ndagijimana hamwe n’umufasha we Lydie Masasu kuri uyu wa Gatanu taliki 24 Gashyantare bashyikirije impamyabumenyi abanyeshuri birangije amasomo mu by’iyobokamana biciye mu muryango washinzwe na Apostle Josua Masasu witwa Bible Communication Center (BCC) ukorera kumigabane yose y’isi.

Akanyamuneza nikose ku banyeshuri bakurikiranye aya masomo ishami rya Sweden dore ko iki gihugu ari kimwe mubyatangiriyemo iyobakamana rya gipantikoti (Pentecostal), aho twavuga ko nko mu kinyejana cya 11 na 12 aho ubukirisito bwatangiraga kwamamara ariko biza gufata indi ntera ahagana mu mwaka 1901 mu itangira rya pantekote yaje no kwamamara mu bihugu bya Afrika cyanecyane mu burasirazuba bwo hagati bwa Afrika aho U Rwanda n’ u Burundi buherereye.

Umushumba mukuru w’amatorero ya Evangelical Restoration Church ku isi mu ijambo rye yagerageje gusobanura cyane impamvu yashinze uyu muryango yaboneyeho kwibutsa abateraniye aho ko izi nyigisho zishingiye ku mahame ijana ku ijana ya Bibiliya atari ay’idini runaka no kwemera kwayo bivuzeko uwemera bibiliya yose ndetse yemera umwuka wera yakwiga aya masomo kurubu atangwa mundimi zitandukanye, Intumwa y’Imana iti: “Ntabwo ikihutirwa ari ugutangira insengero nyinshi mu bihugu bitandukanye ahubwo ikiza nugukomeza abari munsengero kuba abigishwa beza aho basengera. BCC Ni uruhurirane rwamakosa twakoze Ariko yakosowe mu murimo tumazemo imyaka 40 ibibazo mwe mwibaza uyumunsi twe twabishakiye ibisubizo biciye muri BCC, aho bagendera mucyanditswe kiboneka muri Matayo 28:19-20;

Mu ijambo rye Pastor Lydia Umulisa Masasu ati: “Mwe musoje amasomo mugende muhindure abandi abarwayi mubakize babohoke kuko barabakeneye, abafite agahinda gakabije (Depression) nimwe bakeneye mwibuke ko umwigishwa mwiza si umufana cg umuntu usabiriza si indorerezi ahubwo ni uhindura abandi gusa na Kirisito byuzuye mu koresha imbuto z’umwuka.” yifashishije ijambo riboneka muri Yohani 12:24 “Ni ukuri, ni ukuri, ndababwira yuko iyo akabuto k’ishaka kataguye hasi ngo gapfe kagumaho konyine, ariko iyo gapfuye kera imbuto nyinshi”. Yagize ati: “Intego nkuru y’amasomo mumaze iminsi mwiga ni ukwiyegurira Imana nugasobanukirwa ko kwiyegurira Imana bivuze gupfa kuri kamere ukemera ko akabuto gato Imana yateye muri wowe ariko ako kabuto wibuke ko kagomba kubanza gupfa kugirango kere imbuto.” Ibi bivuze ko wowe ubwawe ugomba kubanza kwiyegurira Imana ugapfa muri wowe hanyuma ukabona ugakiza abakuzengurutse abo mukorana, imiryango murimo, Igihugu ubwo nibwo muzabasha kwera imbuto zikwiriye, nibwo muzaba abigishwa beza ba kirisito, ukwiriye kwibaza ngo: “Ese iyo ndirimbye nibangahe bahinduka kubwange? Iyo uvuze ubutumwa nibangahe bahinduka?” Intego y’imana nuko ijambo ryayo riduhindura kandi tugahinduka rwose.

Umwe mubanyeshuri usoje amasomo ya BCC, Jeanne Uwimpaye yahishuye ko mbere yuko yiga amasomo ya BCC atari yarasobanukiwe neza gusenga icyo aricyo nyuma ya amasomo byamufashije gusobanukirwa neza akamaro n’uburyo bwiza bwo gusenga no kubohoka, amasomo yose mubyiciro 7 yize yabaye ingirakamaro mubijyanye no kwemera kwe yizeye neza ko no mukazi gasanzwe aho ari Umurezi bizatuma abasha kunoza akazi neza.

Ukeneye amafoto yafatiwe muri uyu muhango kanda hano: